خواطر الفتي النعب

أنت حلمـي

أنت حلمي يامزيّن كل أحلامي أنت الحلم اللي أشوفه في منامي

أنت حلمي و اللي يشفي آلامي أنت حلمي ياللي أنا ذايب فيك



ياليتك تصدق من متى أهـواك ياليت بس أعرف وين ألـقاك

اللي أعرف اني عايش بدنيـاك واني هايم فيك و أحلـم أجيك



مدري اشلون أبين لك احساسي مدري اشلون ياأعـز نــاسي

حبك تاج أشيله على راســي أفديك عمري و بحناني أرويـك



حاولت بس فشلت المحـاولات غامرت وياخوفي من المغـامرات

عساك تحس بالشعر والكلمـات حس فيني وبشوقي اللي يناديـك


مغــروره

مغروره وياحظ الغرور ويازينــه حلوه و مافي بالدنيا مثلك اثنيــن

نفسي أعرف منهو اللي تحبينــه منهو اللي حاطته بجفـن العيــن

يابخته أكيد عايش أحلى سنينــه أكيد عمره راح يعيشه مرتيــن

أكيد انه يصبر حتى لـو تجرحينـه أكيد انه مو مصدق انك تحبيــن

أكيد انك بلون عيونك تسحرينـه أكيد انه يذوب لو بس تناظريــن

ياليت أنا اللي تحبينه و تعشقينــه والله راح أحبك الى يوم الديــن

راح أذوّبك و قلبي راح تهوينــه ومثل جنوني والله ماراح تلقيــن

وحبي لو ذقتيـه والله ماتنسينــه ومن دفا ضمتي أظنك تسكريــن

آه بس من حظي آه الله ياشينــه يعني حتى في الغرام جتني عيــن

ياويل قلبي اللي ذاب الله يعينــه كلّه من سوريه كاملة في الزيــن



أديب

مغرم رومانسية



تقبلوا مني